Ҳукумати Тоҷикистон тарҳеро пазируфтааст, ки бо харҷи 324 миллион доллар бояд дастрасии 72%-и аҳолиро бо оби пок таъмин кунад. Бо вуҷуди таблиғоти расонаҳои давлатӣ аз ташаббусҳои Тоҷикистон барои ҳалли мушкили об дар ҷаҳон, беш аз нисфи аҳолӣ, бахусус сокинони деҳаҳо оби ошомиданӣ надоранд.
Ҷузъиёти парвандаи Исматулло Абдуллозода, раиси боздоштшудаи Фурудгоҳи Байнулмилалии Душанбе вокунишҳои зиёдро дар шабакаҳои иҷтимоӣ ба бор овард. Масъулони Оҷонси мубориза бо фасод гуфтанд, ки ӯ ба тасарруфи 1 миллиарду 245 миллион сомонӣ, муодили беш аз сад миллион доллар, муттаҳам аст.
Русия сарбозони зархариди хориҷиро пас аз хатми муҳлати созишнома ҳам ба хона ҷавоб намедиҳад. Ба навиштаи муаллифони гузориши лоиҳаи украинии "Зистан мехоҳам", ҳоло дар воҳидҳои ҳарбии артиши Русия, ки дар Украина меҷанганд, тахминан се ҳазор шаҳрванди хориҷӣ бе шартнома ифои вазифа мекунанд.
Як донишманди тоҷик гуфтааст, ки муҳоҷирати кории зиёди ҷавонон метавонад сабаби пиршавии аҳолӣ дар Тоҷикистон шавад, ки ҳоло ҷавонтарин аҳолиро дар минтақа дорад. Фирдавс Ҳаитов, устоди Донишгоҳи миллӣ, дар таҳлиле навиштааст, “муҳоҷират метавонад, сатҳи ҷавонии аҳолиро паст кунад.”
Додситонии минтақаи Кӯлоб дар ним сол наздик ба 300 қарори раисони шаҳру ноҳияро дар бораи тақсими замин бекор кардааст, чун ҳамаи онҳоро “нодуруст” меҳисобад. Ин омор дар муқоиса ба ҳамин давраи соли гузашта 71 маврид бештар аст.
Дар шаҳраки Исломқалъа дар Ҳироти Афғонистон паноҳҷӯёну муҳоҷирони сарсону саргардон дар ҳавои тафсон мондаанд. Бахше аз 1 миллиону 200 ҳазор афғонистонӣ, ки фақат дар соли 2025 аз Эрону Покистон ба кишварашон ронда шудаанд. Ба ватане, ки барои бисёре аз онҳо дигар шинохтанӣ нест.
Онҳое, ки соли 2010 маҷбурӣ ё довталабона саҳмияҳои “Роғун”-ро харида буданд, ҳанӯз умед доранд, ки рӯзе аз даромади ин нерӯгоҳ барояшон фоидае хоҳад расид. Ба назар мерасад, чунин рӯз чандон наздик ҳам нест.
Додситони кулли Тоҷикистон гуфт, даҳҳо “майнинг-ферма”-ро ошкор кардаанд, ки “ғайриқонунӣ ба тавлиди асъори рақамӣ (криптовалюта) машғул буданд”. Ба иттилои Ҳабибулло Волҳидзода, соҳибони ин дастгоҳҳои пулсозии рақамӣ ба миқдори қариб 39 миллион сомонӣ барқро пинҳонӣ истифода бурдаанд.
Мақомоти вилояти Хатлон мегӯянд, ки баъд аз марги 5 кӯдак ба дасти модаронашон барои корҳои фаҳмондадиҳӣ ба 20 ҳазор хона рафтаанд. Зариф Назрӣ, раиси ноҳияи Фархор аввали моҳи август дар нишасти хабарӣ гуфт, дар ин гуруҳ намояндаи пулис, кишоварӣ ва бахши кор бо занон шомил буданд.
Вазири адлияи Тоҷикистон гуфт, дар зиндонҳои кишвар ба ҳама маҳбусони бемор ёрии пизишкӣ расонда мешавад. Изҳороти Музаффар Ашӯриён дар ҳолест, ки пайвандони баъзе аз чеҳраҳои шинохта аз бад шудани вазъи саломати наздиконашон дар зиндон шикоят доранд.
Ёфтҳои бештар
